|
|
Ayhanê BÊRTÎ
beritan74@gmx.net
Di sala 1974-an de, li navçeya Depê ya ku jê re Qereqocana Dêrsimê tê gotin, hate cîhanê. Wekî ji navê wî jî diyar dibe, bi eslê xwe ji Eşîra Bêrtiyan e û ji ezbeta Melemeran, neviyê Mehmûdê Qeyê ye. Ayhanê Bêrtî sê salan piştî dibistana (xwendina) amadeyî derketiye Ewropayê û ji sala 1993-yan vir ve, li Germenîstanê jiyana xwe berdewam dike. Nivîskarê Lêkolîner Ayhanê Bêrtî heta niha heft kitêbên hêja nivîsîne ku di pirtûkxaneya Kurdî de ji xwe re cîheke taybet terxan kirine. Herweha Ayhanê Bêrtî demeke dirêj e ku ji bo rojname, televîzyon û kovarên Kurd hem nivîs û meqaleyan dinivîse û hem jî karê wergerê dike. Ev nivîs û berhem bi gelemperî mijarên wekî: Dîrok, biyografî, wêje, folklor, dokumentasyon û pirsgirekên civaka Kurd, di naveroka xwe de dihewînin. Hin televîzyon, rojname, kovar û malperên ku nivîs û wergerên Ayhanê Bêrtî heta niha tê de hatine weşandin ev in: Televîzyona bi navê Offener Kanal Berlin, beşa Çand û Wêjeya Kurdî, Peyama Nû, Kovara Kurd, Kovara Çira, Kovara Nûçe, Özgüz Ülke, Özgür Politika, Azadiya Welat, Bêrîtan Medya, Netkurd, Avestakurd, Kurdshow, Kurdistan News, Kurdish World, Dengê Jiyan, Netewe Nûçe, Netewe, Şevtarî, Gelawêj û Yekîtiya Ezîdiyên Cîhanê. Nivîskarê Kurd Ayhanê Bêrtî ji xeynî van kar û xebatan hê du berhemên din jî nivîsîne, ku ji bo Pirtûkxaneya Kurdî ji weşanê re têne amadekirin. Herweha Ayhanê Bêrtî yek ji endamên Federasyona nivîskarên Almanyayê ye. Berhemên Ayhanê Bêrtî yên heta niha çapbûyî ev in: 1. Pirtûka Pîroz (Zebûr û Încîl), (350 rûpel), werger, Weşanxaneya Do, Stenbol 2008 (Kurdî). 2. Împeratoriya Med, (330 rûpel), 2008. 3. Dîroka Împeratoriyên Berî Zayînê, cîld 1, (322 rûpel), 2008. 4. Dîroka Împeratoriyên Berî Zayînê, cîld 2, (333 rûpel), 2009. 5. Dîroka Împeratoriyên Berî Zayînê, cîld 3, (317 rûpel), 2009. 6. Dîroka Împeratoriyên Berî Zayînê, cîld 4, (323 rûpel), 2009. 8. Dîroka Împeratoriyên Berî Zayînê, cîld 5, (334 rûpel), 2010. 7. Eşîra Bêrtiyan, (367 rûpel), 2010. Ev berhemên Ayhanê Bêrtî hemû bi zimanê Kurdî hatine nivîsîn û ji aliyê Weşanxaneya Han ve, li Almanyayê hatine weşandin. |
|
